நடக்க முடியாமல் வலியில் நடிகர் சூர்யா…! ரசிகர்கள் பகிர்ந்த வீடியோ
சென்னை: பிரபல நடிகர் சூர்யா படப்பிடிப்பின் போது விபத்தில் சிக்கிய நிலையில் நடக்க முடியாமல் வலியில் காணப்படும் வீடியோவை ரசிகர்கள் வெளியிட்டு உள்ளனர்.
திரையுலகின் முன்னணி நடிகர் சூர்யா. திரைப்படங்கள் மட்டும் அல்லாது அகரம் என்ற அறக்கட்டளை மூலம் நல்ல திட்டங்களை செயல்படுத்தி வருபவர்.
அவர் தற்போது சிறுத்தை சிவா டைரக்ஷனில் கங்குவா என்ற படத்தில் நடித்து வருகிறார். கிட்டத்தட்ட 38 மொழிகளில் 3டி பாணியில் அடுத்தாண்டு ரிலீசாகிறது. பெரும் எதிர்பார்ப்பை ஏற்படுத்தி இருக்கும் இந்த படத்தின் படப்பிடிப்பு துரிதகதியில் நடந்து வருகிறது.
ஷூட்டிங்கில் எதிர்பாராத சம்பவமாக அவருக்கு விபத்து நேர்ந்தது. செம்பரம்பாக்கம் ஈவிபி பிலிம் சிட்டியில் தான் இந்த விபத்து அரங்கேறி இருக்கிறது. சண்டை காட்சியின் போது திடீரென கேமரா விழுந்து நடிகர் சூர்யாவின் தோள்பட்டையில் காயம் ஏற்பட்டது. இதனால் படப்பிடிப்பு தற்காலிகமாக நிறுத்தி வைக்கப்பட்டது.
இந் நிலையில், காயம் முழுமையாக குணம் ஆக ஓய்வு எடுக்க வேண்டும் என்று மருத்துவர்கள் நடிகர் சூர்யாவை அறிவுறுத்தி உள்ளனர். இதையடுத்து, அனைத்து படப்பிடிப்பு வேலைகளையும் ரத்து செய்த அவர், மும்பைக்கு செல்ல முடிவெடுத்தார்.
அதற்காக, சென்னை விமான நிலையத்துக்கு மனைவி ஜோதிகாவுடன் அவர் வந்தார். விமான நிலையத்தில் அவர் ஜோதிகாவுடன் நடந்து செல்லும் வீடியோ வெளியாகி உள்ளது.
அந்த வீடியோவில் நடக்க முடியாமல் வலியால் அவதிப்பட்டபடியே மெல்ல நடந்து செல்லும் காட்சிகள் இடம்பெற்றுள்ளன. வீடியோவை பகிர்ந்துள்ள ரசிகர்கள், அவர் குணமாக ஆறுதலும் கூறி வருகின்றனர்.
கங்குவா படத்தை ஆவலுடன் எதிர்பார்ப்பதாகவும், அனைத்தும் நன்றாகிவிடும் என்றும் ரசிகர்கள் பதிவிட்டு வருகின்றனர்.
