பேருந்துகளில் மகளிருக்கு இலவச பயணம்…! அடி தூள்.. ஸ்கோர் செய்த ஸ்டாலின்…!
சென்னை: பெண்களுக்கு உள்ளூர் அரசு பேருந்துகளில் இலவச பயணம் உள்ளிட்ட பல்வேறு அறிவிப்புகளை திமுக தேர்தல் அறிக்கையில் அக்கட்சியின் தலைவர் ஸ்டாலின் வெளியிட்டுள்ளார்.
திமுக இன்று வெளியிட்டுள்ள தேர்தல் அறிக்கையில் இடம்பெற்ற முக்கிய அம்சங்களின் விவரம் வருமாறு:
* உளுந்தம் பருப்பு மீண்டும் வழங்கப்படும்.
*அனைத்து அரசு வேலைவாய்ப்புகளில் பெண்கள் இடஒதுக்கீடு 30 ல் இருந்து 40 சதவீதமாக அதிகரிக்கப்படும்.
*தமிழகத்தில் மீண்டும் சட்ட மேலவை (MLC) கொண்டு வரப்படும்.
*சட்டம் ஒழுங்கு பணியில் உயிரிழந்த போலீஸ் குடும்பங்களுக்கு ரூ.1 கோடி வழங்கப்படும்.
* கொரோனா தடுப்பு பணியில் உயிரிழந்த முன்கள பணியாளர்களுக்கு உரிய நிவாரணம் வழங்கப்படும்.
*நகர்ப்புறங்களில் ஆட்சேபனை இல்லாத இடங்களில் குடியிருப்பவர்களுக்கு வீட்டு மனைபட்டா
* சென்னை உள்ளிட்ட மாநகராட்சிகளில் குழாய் மூலம் குடிநீர்
*அனைத்து கிராமங்களுக்கும் சுத்தமான குடிநீர் வழங்கப்படும்
*கடலோர பகுதிகளிலும் கடல் நீரை குடிநீராக்கும் திட்டம் செயல்படுத்தப்படும்
*ஹிந்து ஆலுயங்களில் குடமுழுக்கு, புனரமைப்புக்கு ஆயிரம் கோடி ரூபாய் ஒதுக்கீடு
*மசூதி, தேவாலயம் சீரமைக்க 200 கோடி ரூபாய்
*60 வயதுக்கு மேற்பட்ட முதியோர் உதவித்தொகை ரூ.1500 ஆக உயர்த்தப்படும்
*500 இடங்களில் கலைஞர் உணவகம்
*மீனவர்களுக்கு 2 லட்சம் வீடுகள் கட்டித்தரப்படும்
*பத்திரிகையாளர்களுக்கு தனி ஆணையம் அமைக்கப்படும்
*அரசு ஊழியர்களுக்கு பழைய ஓய்வூதிய திட்டம் அமல்படுத்தப்படும்
*கடன்சுமையை சரிப்படுத்த தனிக்குழு அமைக்கப்படும்
*புதிதாக 2 லட்சம் வேலைவாய்ப்புகள் வழங்கப்படும்
*வேலைவாய்ப்புகளில் 75 சதவீதம் தமிழர்களுக்கு வழங்கப்படும்.
*அரசு பள்ளி மாணவிகளுக்கு இலவச நாப்கின் வழங்கப்படும்
*பகுதி நேர ஊழியர்கள் நிரந்தரமாக்கப்படுவார்கள்
*முக்கியமான மலைக்கோயில்களில் அனைத்திலும் ரோப் கார் வசதி
* கிராமப்புற பூசாரிகள் ஓய்வூதியம் அதிகரிக்கப்படும்
*நீட் தேர்வை ரத்து செய்ய முதல் சட்டசபை தொடரில் சட்டம் நிறைவேற்றப்படும்
*முதல்பட்டதாரிகளக்கு அரசு வேலைவாய்ப்புகளில் முன்னுரிமை
*பத்திரிகையாளர் மற்றும் ஊடகத்துறையினருக்கு தனி ஆணையம். ஓய்வூதியமும் குடும்ப நிவாரண நிதியும் அதிகரிக்கப்படும்
* 200 தடுப்பணைகள் கட்டப்படும்
*ஜெயலலிதாவின் மரணம் தொடர்பாக அமைக்கப்பட்ட விசாரணை ஆணையத்தை அறிக்கையை விரைந்து பெற நடவடிக்கை
*மத்திய அரசு பள்ளிகள் அனைத்திலும் அனைத்து பள்ளிகளிலும் 8 ம் வகுப்பு வரை தமிழை கட்டாய பாடமாக்க சட்டம்
*விவசாயத்துறைக்கு தனி பட்ஜெட்
*இயற்கை வேளாண்மைக்கு தனிப்பிரிவு
*பகுதி நேர ஆசிரியர்கள் நிரந்தரம் செய்யப்படுவார்கள்
*தனியார் துறையிலும் இட ஒதுக்கீடு வழங்க வலியுறுத்துவோம்
*இயற்கை வேளாண்மைக்கு என தனிப்பிரிவு அமைக்கப்படும்
*திருச்சி, மதுரை , சேலம், கோவையில் மெட்ரோ ரயில்
*சிறுகுறு விவசாயிகள் மின்மோட்டார் வாங்க ரூ.10 ஆயிரம் மானியம்
*பெண்களுக்கு எதிரான சைபர் குற்றங்களை தடுக்க சைபர் போலீஸ் ஸ்டேசன் அமைக்கப்படும்
*வேலூர்,ஒசூர், ராமநாதபுரத்தில் புதிய விமான நிலையம்
*பள்ளி மாணவர்களுக்கு தினமும் காலை நேரம் பால் வழங்கப்படும்
*கூட்டுறவு வங்கியில் 5 பவுன் உட்பட்ட நகைக்கடன் தள்ளுபடி செய்யப்படும்.
*100 நாள் வேலை திட்டம் 150 நாட்களாக வழங்கப்படும்.
*அரசு உள்ளூர் பஸ்களில், பெண்களுக்கு இலவச பயணம்.
*தி.மு.க.,வின் தேர்தல் அறிக்கைகளை நிறைவேற்ற தனி அமைச்சகம் உருவாக்கப்படும்.
