திரும்ப வந்துட்டேன்னு சொல்லு….!
சென்னை: நடிகரும், அரசியல்வாதியுமான விஜயகாந்தின் உடல்நிலை எப்படி உள்ளது? தற்போது அவர் எங்கிருக்கிறார் என்பது பற்றிய புதிய விவரம் தெரிய வந்திருக்கிறது.
அவ்வப்போது உடல்நலம் பாதிக்கப்பட்டு சிகிச்சை பெற்று வருபவர் நடிகர் விஜயகாந்த். உடல்நலம் ஒத்துழைக்காததால் கட்சி பணிகளில் ஈடுபாடில்லாமல் இருந்தார். கடந்த 18ம் தேதி விஜயகாந்துக்கு மீண்டும் உடல்நிலை பாதிக்கப்பட சென்னை நந்தம்பாக்கத்தில் உள்ள பிரபல மருத்துவமனைக்கு கொண்டு போகப்பட்டார்.
தீவிர சிகிச்சை அளிக்கப்பட்டு வரும் நிலையில் விஜயகாந்துக்கு மூச்சு விடுவதில் சிரமம் இருப்பதாகவும், 14 நாட்கள் கண்காணிப்பில் இருக்க வேண்டும் என்றும் மருத்துவர்கள் தெரிவித்து இருந்தனர். இந் நிலையில் அவரது உடல்நிலை பற்றிய லேட்டஸ்ட் தகவலை மருத்துவமனை நிர்வாகம் வெளியிட்டு இருக்கிறது.
சிகிச்சை முடிந்து விஜயகாந்த் பூரண நலம் பெற்றுவிட்டதாகவும், அவர் வீடு திரும்பி விட்டார் என்றும் அதிகாரப்பூர்வமாக அறிவித்துள்ளது. மருத்துவமனையின் இந்த செய்தியை அறிந்த விஜயகாந்த் தொண்டர்கள், ரசிகர்கள் ஆனந்த கண்ணீரில் மிதந்து வருகின்றனர்.
