ஐபிஎஸ்சை தொடர்ந்து.. முக்கிய துறைகளில் ஐஏஎஸ் அதிகாரிகளும் இடமாற்றம்…!
சென்னை: தமிழகத்தில் முக்கிய துறைகளில் உள்ள ஐஏஎஸ் அதிகாரிகள் அதிரடியாக இடம் மாற்றம் செய்யப்பட்டு உள்ளனர்.
தமிழகத்தில் திமுக பதவியேற்ற நாளில் இருந்து அரசு நிர்வாகம் முழுமையாக கட்டமைக்கப்பட்டு வருகிறது. அரசின் தலைமை செயலாளர் முதல் சென்னை போலீஸ் கமிஷனர் வரை பல முக்கிய ஐஏஎஸ், ஐபிஎஸ் அதிகாரிகள் அதிரடியாக மாற்றப்பட்டு வருகின்றனர்.
அந்த வகையில் இப்போது முக்கிய துறைகளில் ஐஏஎஸ் அதிகாரிகள் மாற்றப்பட்டு உள்ளனர். இது குறித்து தமிழக அரசு வெளியிட்டு உள்ள செய்திக்குறிப்பில் கூறி இருப்பதாவது:
செந்தில்குமார் மக்கள் நல்வாழ்வு துறை சிறப்பு அதிகாரியாக நியமிக்கப்பட்டுள்ளார். பேரிடர் மேலாண்மை ஆணையராக இருந்த ஜெகனாதன் பொதுத்துறை செயலாளராக நியமிக்கப்பட்டுள்ளார்.
பணி வழிகாட்டலின் கூடுதல் இயக்குநரான தாரேஸ் அகமது தேசிய சுகாதார அமைப்பின் இயக்குநராக மாற்றப்பட்டுள்ளார்.
ராணிப்பட்டை மாவட்ட ஊரக வளர்ச்சி முகமையின் திட்ட இயக்குநராகவும், கூடுதல் சேகரிப்பாளராகவும் இருந்த உமா, தமிழக சுகாதார அமைப்பின் திட்ட இயக்குநராக நியமிக்கப்பட்டுள்ளார் என்று தெரிவிக்கப்பட்டு உள்ளது.
